<p>L'instaladôr al ven doprât par copiâ Haiku suntu altri volum.<br/>
Cuant che lu si invie, al mostre un barcon di inizi cun informazions impuartantis. No je une EULA cence sens, come che tu sês abituât a viodi e a fâ il clic necessari par parâle vie intun bati di cee, e declare che:</p>
<li><p>Chest al è software di cualitât beta. Fâs copiis di backup o tu patirâs lis consecuencis!</p></li>
<li><p>L'instaladôr al à bisugne di une partizion preparade. Tu puedis doprâ <ahref="drivesetup.html">Gjestion disc</a> par creâ e formatâ une partizion, ma ancjemò no ridimensionâ partizions esistentis. Par chest lavôr tu scugnis doprâ un <ahref="http://gparted.sourceforge.net/livecd.php">CD Live di GParted</a> o un strument simil, pal moment.</p></li>
<li>Haiku al pues jessi zontât a man sul gjestôr di inviament <ahref="http://www.gnu.org/software/grub/manual/grub.html">GRUB</a>. La maniere esate par fâlu e je disponibile te <ahref="http://www.haiku-os.org/get-haiku/installation-guide">vuide in rêt</a>.</li>
<p>Tal prin menù a tende tu puedis sielzi la sorzint di instalazion. E pues jessi la instalazion atuâl di Haiku o e pues rivâ di un CD di instalazion o une unitât USB, e vie indenant.<br/>
Il secont menù a tende al specifiche la destinazion de instalazion. Cheste partizion/volum di destinazion a vignarà sorescrite dal dut e e à di sei preparade in anticip cuntun strument di partizionament come GParted.</p>
<p>Fasint clic sul piçul widget par pandi <i>Mostre pachets opzionâi</i>, se disponibii, tu podarâs sielzi di instalâ pachets adizionâi al sisteme Haiku di base.</p>
<p>Tu varessis di fâ un ultin control se tu âs sielt la juste destinazion prime di tacâ il procès di instalazion. Fâs clic su <spanclass="button">Configure partizions...</span> par vierzi <ahref="drivesetup.html">Gjestion disc</a> e vê une viodude sui nons e la disposizion dai volums e des partizions disponibii.</p>
<p><spanclass="button">Scomence</span> al tache la procedure di instalazion, che di fonde al copie lis cartelis <spanclass="path">/home/</span> e <spanclass="path">/system/</span> sul volum di destinazion e lu rint inviabil.</p>
<p>Ae fin de procedure di instalazion, la partizion e ven rindude inviabil in automatic. Dut câs, al pues sucedi che cualchi altri sisteme operatîf o strument di partizionament (par erôr) al sorescrivi il setôr di inviament dal to volum di Haiku. In chest câs, invie il to CD di instalazion e fâs partî l'Instaladôr. Selezione la partizion di inviament di Haiku dal menù <spanclass="menu">Su : Sielç la destinazion</span> e selezione <spanclass="menu">Scrîf setôr di inviament</span> dal menù <spanclass="menu">Struments</span> par rindilu di gnûf inviabil.</p>
<p>L'altri element tal menù <spanclass="menu">Struments</span> al <spanclass="menu">Configure il menù di inviament</span>, chest al met un menù tal setôr di inviament cussì di podê sielzi cuâl sisteme operatîf inviâ. Viôt l'argoment <ahref="bootmanager.html">BootManager (Gjestôr di inviament)</a> par vê plui informazions.<br/>
Nol covente eseguî il <spanclass="app">Gjestôr di inviament</span> se tu dopris za un gjestôr di inviament come GRUB, in chel câs tu âs di zontâ Haiku a man (viôt parsore) opûr te to machine al zirarà dome Haiku.</p>
