<p>Haiku al furnìs un sisteme che al recupere lis e-mail in maniere regolâr gracie a un Servizi de Pueste (cognossût ancje come mail_daemon) e al salve ogni e-mail come singul file di test. Al analize la pueste e al jemple i siei atribûts cun dutis lis informazions di intestazion necessaris, come par esempli "di", "a", "ogjet" e il lôr stâts di leture. Cumò a puedin jessi interogâts di te o di cualsisei aplicazion. Chest sisteme al rint ancje facil il cambiâ client pe pueste, viodût che ducj i dâts e lis configurazions a restin i stes.<br/>
La configurazion e ven fate tal panel des preferencis E-mail.</p>
<aid="creating"name="creating">Creâ un gnûf account e-mail</a></h2>
<p>Viodin ce mût che si fâs a configurâ un account e-mail.<br/>
Tu tachis clicant il boton <spanclass="button">Zonte</span> cussì di creâ un gnûf account cence non. Chest al vierzarà un panel dulà che tu inserirâs lis informazions dal to account:</p>
<p>Par prin, tu stabilissis ce mût che tu otegnis la tô pueste, vie <spanclass="menu">POP3</span> o vie <spanclass="menu">IMAP</span>.</p>
<p>Cumò tu inserissis la tô <i>Direzion e-mail</i>, il <i>Non di acès</i> e la <i>Peraule di ordin</i>, da un <i>Non account</i> cussì di ricognossilu sot di Haiku e il to <i>Non reâl</i>.</p>
<p>Se il to account al ven dât di un dai furnidôrs plui cognossûts, Haiku al cognossarà za ducj i detais tecnics come par esempli la direzion IP dal servidôr. Se nol è chest il câs, fasint clic su <spanclass="button">Sucessîf</span> si vierzarà un altri barcon par inserî chestis informazions a man:</p>
<p>Prime tu stabilissis il <i>Non servidôr</i>, il <i>Gjenar di acès</i> e il <i>Gjenar di conession</i> pe pueste in jentrade, sot di chel i dâts pe pueste in jessude. Tu varessis di cjatâ lis informazions necessaris tal sît web dal to furnidôr di e-mail.<br/>
Viôt chi sot par vê plui informazions su lis variis impostazions e su lis opzions adizionâls.</p>
<p>Il <i>Non account</i> al è il non che al ven mostrât, par esempli, te liste dai account intes preferencis di E-mail. <i>Non reâl</i> al è il non che al ven viodût cuant che cualchidun al ricêf la tô e-mail. <i>Direzion pe rispueste</i> e je la direzion e-mail che e ven doprade cuant che cualchidun al rispuint ae tô e-mail. Di solit cheste e je la stesse direzion che si dopre par inviâ la pueste.</p>
<p>Se tu preferissis doprâ un account e-mail dome par inviâ o ricevi pueste, tu puedis dis/ativâ chê funzion fasint clic diestri sul non dal account inte liste a çampe e meti i segns juscj secont lis tôs necessitâts.</p>
<p>Prime e je la direzion dal <spanclass="menu">Servidôr di pueste</span> pe pueste in jentrade. Se il to furnidôr lu domande, tu pedis fâ l'acès suntune specifiche puarte, al baste zontâle te direzion, separade di doi ponts. Par esempli: <tt>pop.your-provider.org:1400</tt>.</p>
<p>Daspò tu inserissis lis informazions di acès, <i>Non utent</i> e <i>Peraule di ordin</i>, e se al covente cambiâ il <i>Gjenar di acès</i>, di <spanclass="menu">Test sempliç</span> (che al è chel predefinît) a <spanclass="menu">APOP</span> pe autenticazion.</p>
<p>Se tu dopris <i>POP3</i> e tu recuperis la pueste di chest account doprant altris computer, tu podaressis volê ativâ la opzion<spanclass="menu">Lasse la pueste sul servidôr</span> e, dome in locâl, <spanclass="menu">Elimine la pueste ancje sul servidôr</span>.</p>
<p>Se invezit tu dopris <i>IMAP</i>, tu âs la pussibilitât di sielzi la opzion <spanclass="menu">Elimine la pueste ancje dal servidôr</span> in locâl. Tu puedis specificâ lis <spanclass="menu">Cartelis IMAP</span> par sincronizâsi dome cuntune specifiche cartele e lis sôs sot-cartelis.</p>
<p>Tu puedis ancje sielzi <spanclass="menu">No sta discjariâ dal dut i messaçs plui grancj di</span> une determinade dimension. Cheste opzion ti fasarâ vê dome la intestazion e tu podarâs decidi se, dopo vê viodût l'ogjet e il mitent, discjariâ il rest dal messaç e i pussibii alegâts. Util se si à une conession lente.</p>
<p>Tu puedis cambiâ la <i>Destinazion</i> de tô casele di pueste (predefinide: <spanclass="path">/boot/home/mail/in/</span>), che al è util se tu desideris separâ la pueste di account diferents intes lôr cartelis. Dut câs, lis interogazions ti permin di risolvi istès ben lis robis.</p>
<p>Prime e je la direzion dal <i>Servidôr SMTP</i> pe pueste in jessude. Come pal servidôr in jentrade che o ven viodût prime, tu puedis doprâ une specifiche puarte se al covente, p.e. <tt>mail.your-provider.org:1200</tt>.</p>
<p>Se ti covente fâ l'acès, tu cambis il <i>Gjenar di acès</i> a <spanclass="menu">ESMTP</span> e tu inserissis il non utent e la peraule di ordin parsore. Chel altri gjenar al ven doprât pai furnidôrs di servizis di pueste che a àn bisugne dal control de pueste cun <spanclass="menu">POP3 prime di SMTP</span> pe identificazion.</p>
<p>Come pe pueste in jentrade, tu puedis ancje cambiâ la <i>Destinazion</i> de tô casele de pueste (predefinide: <spanclass="path">/boot/home/mail/out/</span>).</p>
<aid="filters"name="filters">Notifichis e altris filtris di e-mail</a></h2>
<p>Lis notifichis pes gnovis e-mail rivadis e i metodis par ordenâ e filtrâ lis e-mail si cjatin in <spanclass="menu">Filtris e-mail</span> sot di un di account. Tu puedis zontâ cualsisei numar di filtris che a vegnin aplicâts un daûr di chel altri e rangjâju strissinant e molant te lôr gnove posizion.<br/>
Pal moment a son trê <spanclass="menu">filtris de pueste in jentrade</span> che tu puedis zontâ. Dopo vê zontât un filtri, tu âs di selezionâlu par viodi lis sôs opzions.</p>
<p>Il filtri pe pueste malvolude (spam) al dopre metodis statistics par classificâ une mail come spam malvolût. I assegne un valôr tra 0 e 1 e tu puedis decidi cuâi che a son i limits par une mail sane e ce che al vignarà considerât malvolût.<br/>
Tu puedis vê chê valutazion di malvolûts zontade al inizi dal ogjet.<br/>
In di plui, il filtri dai malvolûts al pues imparâ di dutis lis e-mail in jentrade. Clâr, tu varâs di insegnâi sbrumant i fals positîfs, la pueste che e je stade segnade par erôr come malvolude. Tu cjatarâs plui informazions in merit cuant che o cjacararin de aplicazion <spanclass="app">Mail</span>.</p>
<p>Adun cul <spanclass="menu">Filtri di regule</span> chi sot, tu puedis organizâ in automatic la pueste malvolude rilevade.</p>
<td>Il stât atuâl de e-mail. Di solit chest al pues jessi "Read" (let), "Replied" (rispuindût), "Sent" (inviât), "Forwarded" (mandât indenant), "New" (gnûf), o dut ce che tu âs definît tu. Dut câs, une volte che il Servizi de Pueste al à recuperât la pueste, se no tu lu cambiis cuntun filtri, il so stât al sarà simpri "New" (gnûf).</td></tr>
<td>in base a ce mût che il filtri malvolûts ju à classificâts, chest al sarà o vueit (se no sigûr) o al varà la peraule "Genuine" (san) o "Spam" (malvolût)</td></tr>
<td>cheste e je une stime numeriche che il filtri malvolûts al à assegnât ae e-mail. A vegnin mostrâts in notazion sientifiche, dulà che 1.065e-12 si tradûs in 1.065 dividût par 10 ae 12ᵐᵉ potence, che in chest câs si tradûs in 0.000000000001065.</td></tr>
<p>Il secont cjamp di test al ten il to model di ricercje. Al acete <ahref="http://en.wikipedia.org/wiki/Regular_expression"class="external free"title="Wikipedia: Regular expression"rel="nofollow">espressions regolârs</a> che a permetin grande flessibilitât, però par cuintri, complicant un tic lis robis. Lei alc in merit, al merete e sempliçs modei di ricercje no son <i>cussì</i> complicâts.</p>
<p>Cul menù a tendine sot di chel, tu assegnis une azion par chês voltis che al model al corispuint un risultât de ricercje. Tu puedis spostâ o eliminâ une e-mail, stabilî il stât a "Read" (let) o altri opûr stabilî cun cuâl account di e-mail rispuindi.</p>
<p>Tu puedis sielzi diviersis manieris par jessi notificât che e je rivade gnove pueste. Sot di <spanclass="menu">Metodi</span> tu cjatis un ciert numar di opzions che a puedin ancje jessi cumbinâts tra di lôr:</p>
<td>Al riprodûs il file sunôr dal event "New E-mail", stabilît tes preferencis <ahref="sounds.html">Suns</a>, <i>une volte sole</i> pe gnove pueste</td></tr>
<tr><td><spanclass="menu">Barcon dal regjistri</span></td><td></td>
<td>Al mostre il barcon dal regjistri di stât</td></tr>
<p>Pal moment, al è dome un filtri che al à a cefâ cu la pueste in jessude: <spanclass="cli">fortune</span>.
<br/>Al tacarà ae fin di ogni mail un "biscot de furtune" divertent o savi sielt a câs, prime di inviâle. Tu puedis fâ une prove a frêt inviant il comant <spanclass="cli">fortune</span> intun Terminâl.</p>
<aid="settings"name="settings">Configurâ il servizi de pueste</a></h2>
<p>Cumò che i servidôrs di pueste in jentrade e jessude (e magari ancje cualchi filtri) a son configurâts, tu âs di dî al Servizi de Pueste che di fat al eseguìs il control e il recupar de pueste, ce mût fâ chest lavôr.</p>
<p>Sot di <i>Control de pueste</i> tu configuris ogni trop timp che si interogarà il servidôr par vê gnove pueste.<br/>
Se tu stâs doprant une conession a consum, tu podaressis desiderâ chê funzion <spanclass="menu">Dome cuant che il modem al è conetût</span> e ancje <spanclass="menu">Rimandâ l'inviamente de pueste cuant il modem al è disconetût</span> al fin di evitâ di conetisi in automatic dome par controlâ la pueste.</p>
<p>Il Servizi de Pueste al à un barcon di stât che tu puedis configurâ in mût che al vegni fûr <spanclass="menu">Mai</span>, <spanclass="menu">Dilunc l'inviament</span>, <spanclass="menu">Dilunc l'inviament e la ricezion</span> opûr <spanclass="menu">Simpri</span>.</p>
<p>Siguriti che al sedi selezionât <spanclass="menu">Invie i servizis de pueste al inviament</span> o nol sarà in esecuzion nissun mail_daemon par eseguî lis tôs richiestis...</p>
<p><spanclass="menu">Modifiche menù de casele de pueste</span> al vierzarà la cartele <spanclass="path">/boot/home/config/Mail/Menu Links/</span>. Dutis lis cartleis o lis interogazions (!) o i lôr colegaments metûts in cheste cartele a vignaran fûr tal menù contestuâl de icone a forme di casele di pueste dal Servizi de Pueste inte guantiere dal Deskbar.</p>
<p>Di chel menù tu puedis ancje fâ <spanclass="menu">Cree un gnûf messaç...</span>, <spanclass="menu">Controle cumò la pueste</span> o modificâ lis <spanclass="menu">Impostazions...</span>.</p>
<p>Se tu tegnis fracât <spanclass="key">MAIUSC</span> cuant che tu clamis il menù contestuâl, tu otignarâs comants adizionâi:</p>
<p>Za la icone a forme di casele de pueste e mostre se si à messaçs no lets (stât "New"), chest al è il câs di cuant che si à bustis dentri de casele de pueste.</p>
