<p>Vê une rêt che e ledi al è essenziâl in dì di vuê, cu la necessitât di vê une conession permanente cun internet. Stant che tignîsi inzornâts cun ducj i diviers hardware e driver, che a son ancje in continue evoluzion, al è impussibil par un piçul progjet, pai siei driver di rêt Haiku al fâs afidament suntun strât di compatibilitât cun <ahref="http://www.freebsd.org">FreeBSD</a>.<br/>
Chest al sigure une grande cuantitât di hardware supuartât, ancje se magari no il 100% di ce che al è in cumierç. Viôt lis <ahref="http://www.freebsd.org/releases/12.0R/hardware.html#wlan">notis hardware di publicazion di FreeBSD 12.0</a> par vê une liste dai modei supuartâts.</p>
<divclass="box-info">Pal moment dome i dispositîfs PCI, PCI-X, PCI-Express, Mini PCI e Mini PCI-Express a varessin di funzionâ.<br/>
I dispositîfs PCMCIA, CardBus, ExpressCard, USB e ISA a àn ancjemò bisugne di lavôr par vêju funzionants.</div>
<aid="gui"name="gui">Tacâsi a une rêt cence fîi</a></h2>
<p>Come configurazion predefinide, Haiku no si tacarà ae prime rêt no cifrade che al cjate daspò un inviament dal sisteme. Par conetisi a une speciiche rêt, si dopre la applet dal scritori <ahref="desktop-applets/networkstatus.html">Stât de Rêt</a>.</p>
<p>Fâs clic diestri su pe sô icone tal Deskbar e sielç il non public de rêt (che al è il "SSID" che al trasmet ator) dal menù contestuâl.</p>
<p>Si vierzarà un barcon dulà che tu inserirâs il gjenar di autenticazion (probabil WPA/WPA2, WEP no je plui une cifradure sigure!) e la peraule di ordin par chê rêt cence fîi. Fâs clic su <spanclass="button">Va ben</span> par scomençâ il procès di acès.<br/> In base al to hardware e ae tô configurazion de rêt chest al pues tirâle a dilunc. Tu vignarâs tignût informât sui progrès cu lis notifichis:</p>
<p>Une volte che tu leis "Pront" e la icone di Stât de Rêt tal Deskbar e mostre une lusute taronde verde, la conession e je stade stabilide. Se lis notifichis a finissin cun "Nissun colegament" e un triangul zâl, al al è lât strucj, probabile une peraule di ordin sbaliade.</p>
<aid="commandline"name="commandline">Tacâsi de rie di comant</a></h2>
<p>Se tu preferissis doprâ la rie di comant o tu desideris doprâ un lengaç di scripting opûr ancjemò <spanclass="path">~/config/settings/boot/UserBootscript</span> automatizâ lis robis par tacâti a une specifiche rêt cuant che si invie il sisteme, si à il comant <tt>ifconfig</tt>.</p>
<p>Fâs partî un Terminâl e inserìs la prime rie par analizâ lis rêts cence fîi disponibilis:</p>
<p>Logjic, il percors pal to adatatôr di rêt wireless al à di jessi justât.<br/>
Ce che al è jessût al mostre il non public (SSID), la direzion MAC, la fuarce dal segnâl e il metodi di autenticazion di dutis lis rêts cjatadis.</p>
<p>Par tacâsi a une rêt, dopre cheste rie e inserìs il rispetîf non public (SSID) e peraule di ordin:</p>
<preclass="terminal">ifconfig /dev/net/iprowifi3945/0 join {SSID} {peraule di ordin}</pre>
<p>Daspò l'inviament, siguriti che la configurazion iniziâl dal adatadôr di rêt wireless e sedi finide, prime di mandâ i comants <tt>ifconfig</tt> opûr in câs contrari a vignaran ignorâts. In base al to hardware e ae tô configurazion de rêt cheste operazion e pues tirâle a dilunc. Ten di voli chês notifichis...</p>
<p>Però, cualchi chipset vecjo (Intel 2100/2200/2225/2915, Broadcom 43xx, Marvell 88w8335) al à bisugne di modui firmware binaris che Haiku nol pues includi par vie di problemis di licence. Par fâ funzionâ chestis schedis wireless, al è stât includût un sempliç script che al recuperarà e al instalarà ducj i bit proprietaris che ti coventin.</p>
<p>Se no tu puedis otignî i file dai firmware binaris cul script <tt>install-wifi-firmwares.sh</tt> (par esempli parcè che ti mancje la conession internet di jenfri Haiku), tu puedis ancje discjariâ <ahref="http://www.haiku-os.org/files/download-data-for-wlan-firmwares.txt">chest script di shell</a>, e eseguîlu intun altri SO che al vedi <tt>wget</tt> e <tt>zip</tt> instalâts.<br/>
I utents di Windows a à bisugne di vê instalâts <ahref="http://gnuwin32.sourceforge.net/packages/wget.htm">wget</a> e <ahref="http://gnuwin32.sourceforge.net/packages/zip.htm">zip</a> par Windows tes lôr posizions predefinidis e doprâ <ahref="https://www.haiku-os.org/files/download-data-for-wlan-firmwares.bat">chest script batch</a>.<br/>
Il script al discjariarà i file necessaris e al crearà un file zip che al varà di sei estrat su <tt>/boot</tt> di Haiku. Une volte estrat, vierç un Terminâl e scrîf:</p>
