Il Boot Loader

Lis opzions dal Boot Loader di Haiku a puedin judâ cuant che si à a ce fâ cun problemis di hardware opûr cuant che si à plui instalazions di Haiku e si desidere sielzi cuale instalazion di Haiku fâ partî (par esempli un CD di instalazion o une clavute USB). Al è ancje util se si à instalât un component software che al impedìs di inviâ Haiku e duncje di gjavâlu, viôt la Risoluzion dai problemis chi sot.

Par jentrâ tes Opzions dal Boot Loader, tu âs di tignî fracât il tast MAIUSC prime che al tachi il procès di inviament di Haiku. Se al è instalât un gjestôr di inviament, tu puedis tacâ a tignî fracât MAIUSC prime di invocâ la vôs dal menù par Haiku. Se Haiku al è l'unic sisteme operatîf inte machine, tu puedis tacâ a fracâ il tast bielzà cuant che tu viodis i messaçs di inviament dal BIOS.

Sui computer che a doprin UEFI pal inviament al puest dal classic BIOS, tu scugnis doprâ invezit la SBARE DI SPAZI.

Opzions dal Boot Loader

Une volte lì, ti si presentin cuatri menù:

Select boot volume		Sielç cuâl stât/instalazion di Haiku fâ partî (viôt la Risoluzion dai problemis chi sot).
Select safe mode options		A son diviersis opzions di provâ tal câs di un probleme hardware o se il sisteme al devente instabil o no si pues inviâ par vie di un compuartament sbaliât di un component zontât. Cuant che si sposte la sbare di selezion suntune opzion, e ven fûr une curte spiegazion in bas tal schermi.
		Safe mode Al met il sisteme in modalitât sigure. Chest al pues jessi abilitât in maniere indipendente des altris opzions. Disable user add-ons Al impedìs il cjariament di dutis lis zontis (add-on) instaladis dal utent. Dome lis zontis inte cartele di sisteme a vignaran dopradis. Viôt la Risoluzion dai problemis chi sot. Disable IDE DMA Al disabilite il DMA dal IDE, aumentant la compatibilitât IDE al cost des prestazions. Ignore memory beyond 4 GiB Al ignore dute la memorie che e supere il limit di direzion di 4 GiB, passant parsore de impostazion tal file des impostazions dal kernel. Use fail-safe graphics driver Il sisteme al doprarà la modalitât VESA e no cirarà di doprâ nissun driver grafic di schede video. Disable IO-APIC Al disabilite l'ûs dal IO APIC pal indreçament dai interrupt, sfuarçant invezit l'ûs dal PIC vecje maniere. Disable local APIC Al disabilite l'ûs dal APIC locâl, al disabilite ancje il SMP. Disable X2APIC Al disabilite la seconde gjenerazion di APIC. Disable SMEP and SMAP Al disabilite lis funzionalitâts di sigurece SMEP/SMAP de CPU. Disable SMP Al disabilite ducj i cûrs de CPU infûr di un. Don't call the BIOS Al ferme il sisteme dal clamâ lis funzions dal BIOS. Disable APM Al disabilite il supuart hardware dal Advanced Power Management (gjestion alimentazion avanzade), passant parsore de impostazion APM tal file des impostazions dal kernel. Disable ACPI Al disabilite il supuart hardware dal Advanced Configuration and Power Interface (configurazion avanzade e interface di alimentazion), passant parsore de configurazion ACPI intal file des impostazions dal kernel. Blacklist entries Al permet di selezionâ i file di sisteme che si à di ignorâ. Util p.e. par disabilitâ i driver in mût temponi. Viôt la Risoluzion dai problemis chi sot.
Select debug options		Chi tu cjatarâs diviersis opzions che a judin cul debug o a vê detais par fâ une segnalazion di erôr. Di gnûf, une curte spiegazion par ogni opzion e ven mostrade in bas.
		Enable serial debug output Al ative il mandâ fûr l'output dal syslog te interface seriâl (predefinît: 115200, 8N1). Enable on screen debug output Mostre l'output dal debug sul schermi intant che si invie il sisteme, invezit che il normâl logo di inviament. Disable on screen paging Al disabilite il paging cuant che la jessude dal debug su schermi e je abilitade. Enable debug syslog Al abilite, par cheste session, un buffer dal syslog in-memorie speciâl, che il boot loader al rivarà a acedi daspò vê tornât a inviâ il sisteme. Display current boot loader log Al mostre lis informazions di debug che il boot loader al à regjistrât (frache Q par jessî dal regjistri) Add advanced debug option Al permet di inserì, in maniere direte, opzions di debug avanzadis.
		Se Enable debug syslog al è ativât, un tornâ a inviâ a cjalt daspà un colàs, al mostre chestis opzions adizionâls:
		Save syslog from previous session during boot Al salve il syslog de session precedente di Haiku su /var/log/previous_syslog cuant che si invie. Display syslog from previous session Al mostre il syslog de session precedente di Haiku. Save syslog from previous session Al salve il syslog de session precedente di Haiku sul disc. Pal moment a son supuartâts dome volums FAT32.
Select screen resolution		Ti permet di sfuarçâ une cierte risoluzion di sisteme e profonditât di colôr.

Risoluzion dai problemis

Se Haiku al refude di inviâsi sul vuestri hardware dal inizi, prove a stabilî opzions diferentissot di Select safe mode options. Considere la idee di inviâ une segnalazion di erôr in ogni câs.

Di chê altre bande, se Haiku al tache a dâ problemis dome dopo vê instalât cualchi software, specialmentri driver hardware, tu âs diviersis opzions par vê di gnûf Haiku funzionant cussì di podê disinstalâ il pachet incriminât:

Ativant Safe mode si impedirà ae plui part dai servidôrs, demonis e il UserBootscript di jessi inviâts.
Ativant Disable user add-ons si impedirà l'ûs di cualsisei zonte (add-on) (driver, tradutôrs, e vie indenant) che tu âs instalât inte gjerarchie utent sot de tô cartele Home.
Se ativant Use fail-safe graphics driver al risolf i tiei problemis cessant ae grafiche VESA, tu puedis rindi permanente la impostazion lant a gjavâ il # de rie #fail_safe_video_mode true intal file di test /boot/home/config/settings/kernel/drivers/kernel.
Se il driver incriminât, o la zonte e vie indenant, al è instalât te gjerarchie dal sisteme, lis robis a diventin un tic plui complicadis, parcè che chê aree e je in dome-leture. Chi, il Blacklist entries al jentre in zûc. Cun chel, tu puedis navigâ su dute la gjerarchie dal sisteme e disabilitâ il component che fâs damps segnant une vôs cul tast SPAZI o INVIE. ESC ti fâs tornâ insù di un nivel ae cartele superiôr.

In rêt, al è l'articul How to Permanently Blacklist a Package File che al mostre ce mût fâ in mût di mantignî lis modifichis.
Sot di Select boot volume tu puedis specificâ cuale "version" precedente di Haiku inviâ. Ogni volte che tu dis/instalis un pachet, il stât vecjo al ven salvât etu puedis inviâlu sielzintlu de liste presentade intes opzions dal boot loader.
Cussì, se ti si presentin problemis di inviament dopo vê instalât cualchi pachet, invie un stât di Haiku precedent a chê volte e disinstale il pachet incriminât.

Inviament di Haiku

Dopo vê ativât une o plui opzions, si torne al menù principâl e si continue l'inviament, che si presentarà cun cheste videade di inviament:

Se dut al va ben, si impie un simbul daûr di chel altri.
I simbui diferents a corispuindin sù par jù a chestis fasis:

Atom		Inizializazion dai modui.
Disc + lint di ingrandiment		Creazion di rootfs (/) e montaç di devfs (/dev).
Schede interne		Inizializazion dal gjestôr dai dispositîfs.
Disc di inviament		Montaç dal disc di inviament.
Microchip		Cjariament dai modui specifics de CPU.
Cartele		Inizializazion finâl dal sot-sisteme.
Missil		Launch_daemon al à inviât il sisteme.