Stât de Batarie

Deskbar:		Desktop Applets
Posizion:		/boot/system/apps/PowerStatus
Impostazions:		~/config/settings/PowerStatus settings

Stât de Batarie al mostre lis informazions in merit al nivel di cjarie de batarie, duncje al è util dome sui computer portatii. Se nol è in esecuzion, inviant la applet cheste e domandarà se e à di vierzisi in modalitât barcon o “vivi” tal Deskbar. In modalitât barcon tu puedis ridimensionâ la icone ridimensionant il barcon e doprâ la manite dal Replicant par strissinâlu sul scritori.
Pardut là che tu lu instalis, al ven doprât cuntun menù contestuâl, vie clic diestri.

Note: Stât de Batarie al à bisugne che al funzioni il supuart ACPI.

Il menù contestuâl al ufrìs chestis opzions:

Mostre etichete di test		Al mostre il nivel de batarie in percentuâl o il timp che al reste.
Mostre icone di stât		Al mostre la icone de applet.
Mostre percentuâl / timp		Passe tra la visualizazion dal nivel de batarie in percentuâl a chê dal timp che al reste (Mostre etichete di test al à di jessi atîf).
Informazions batarie...		Al mostre il barcon cu lis informazions completis de batarie.
Informazions...		Al mostre il barcon cu lis informazions sul program.
Jes		Al siere la applet Stât de Batarie.

Cuant che Mostre etichete di test al è atîf, se la batarie e je in cjarie, il nivel de batarie al ven mostrât tra parentesis.