<p>I atribûts a son cjamps di dâts che a apartegnin a un file ma no son part di chel file, p.e. no vegnin calcolâts te dimension dal file e a puedin jessi copiâts o cambiâts cence tocjâ il file. Il sisteme al dopre chescj atribûts par archiviâ p.e. la dimension dal file, il gjenar di file o la date de ultime modifiche. Chest al è simil a altris sistemis operatîfs e i lôr filesystem.</p>
<p>La diference e je che tu puedis zontâ cualsisei gjenar di atribût a cualsisei file e mostrâju o rindiju modificabii intun barcon dal Tracker. Tu âs dome di definî il gjenar di atribût che tu desideris zontâ a un gjenar di file (p.e. stringhe, intîr o ore) e dâi un non e une descrizion.</p>
<p>Il file di bessôl nol à nancje bisugne di contignûts. Bute un voli a chescj file di People par esempli:</p>
<p>Come che tu puedis viodi, chescj a son ducj file di dimension 0 cun atribûts zontâts, l'atribût E-mail di "John Nox" al è modificât di dentri di Tracker.</p>
<p>Se tu metis in tabele i atribûts — come che People, Email o i file audio a son in maniere predefinide — si puedin ancje cirî cul sisteme di interogazion veloç di Haiku.</p>
<aid="attributes-tracker"name="attributes-tracker">I atribûts tal Tracker</a></h2>
<p>I atribûts a son visualizâts in maniere simile a une base di dâts o a un sfuei di calcul. Doprant Tracker tu puedis sielzi cuâl atribût visualizâ (colonis) e ordenâ la liste di file (riis) di conseguence.</p>
<p>Par fâ chest, vierç un barcon di Tracker, fâs clic sul menù <spanclass="menu">Atribûts</span>, e selezione i atribûts che tu desideris visualizâ. In alternative, fâs semplicementri clic diestri suntune intestazion di colone e segne i elements intal menù contestuâl. Tu puedis rangjâ lis colonis cuntun semplic "strissine e mole" de intestazion de colone. Spostant une colone fûr dal barcon, al è un metodi veloç par gjavâ vie lis colonis che no ti coventin.</p>
<p>Fâs dopli clic su pe linie tra doi atribûts inte intestazion par ridimensionâ in automatic une colone ae so largjece otimâl.</p>
<p>Fâs clic suntune intestazion di colone par comutâ l'ordin di assendent a dissendent. Tu puedis stabilî un ordin secondari fracant il tast <spanclass="key">MAIUSC</span> intant che tu fasis clic suntune intestazion di colone. Tu puedis ordenâ i tiei file di People par aziende e dentri di chel ordin par non dal contat, par esempli. Viôt la cature di schermi parsore par vê un esempli. L'ordin secondari al è segnât cuntun indicadôr colorât plui clâr in bande de intestazion.</p>
<p>Modificâ chescj atribûts al è sempliç come cambiâ un non a un file: fâs clic suntune vôs o frache <spanclass="key">ALT</span><spanclass="key">E</span> e spostiti tra i atribûts cun <spanclass="key">TAB</span> e <spanclass="key">SHIFT</span><spanclass="key">TAB</span>. <spanclass="key">ESC</span> al fâs jessî de modalitât modifiche cence salvâ i cambiaments.</p>
<aid="attributes-terminal"name="attributes-terminal">I attributes tal Terminal</a></h2>
<p>Se tu preferissis doprâ la rie di comant o tu planifichis di lavorâ cun tancj file doprant i script, a esistin diviers comants par controlâ i atribûts dal Terminâl.</p>
<p>In diplui a ducj i atribûts "<tt>META:*</tt>" che a tegnin lis informazions dal contat, a son doi atribûts che a son gjestîts dal sisteme:</p>
<ul>
<li><p><tt>BEOS:TYPE</tt> al ten il gjenar di file come une stringhe <acronymtitle="Multipurpose Internet Mail Extensions">MIME</acronym>, achì "<tt>application/x-person</tt>". Lui al determine la icone predefinide e la aplicazion che e vierç il file, cuant che par esempli tu i fasis dopli clic.</p></li>
<li><p>"<tt>_trk/pinfo_le</tt>" al è l'atribût che cun chel Tracker al ten iniments la posizion de icone di un file.</p></li></ul>
<divclass="box-info">Fâs câs ae sbare contrarie daspò "Clara". Intal Terminâl tu âs di doprâ la notazion "escape" pai caratars speciâi come <tt>'"*\$?!</tt>. Ancje il spazi tra "Clara" e "Botters" al è un di chei. Duncje la sbare contrarie e je prime dal caratar di spazie e no daûr di "Clara".</div>
string, mime, int, llong, float, double, bool, icon, raw
o un valôr numeric (p.e. 0x1234, 42, 'ABCD', ...)
Il predefinît al è "string"</pre>
<p>Alore, disin che la nestre cjare Clara e à cjatât un lavôr cu la multinazionâl Barkelbaer Inc., tu tu jemplis l'atribût "Aziende", un volte vueit, cun chel dât (che al è di gjenar "string" vâl a dî stringhe):</p>
<preclass="terminal"> ~/people ->addattr -t string META:company Barkelbaer\ Inc. Clara\ Botters</pre>
<p><spanclass="cli">copyattr</span> al copie i atribûts di un o plui file suntun altri. Par impostazion predefinide, il contignût efetîf dal file <b>nol</b> è copiât.</p>
<p>Se tu desideris copiâ i atribûts e i dâts dal file stes, tu puedis zontâ la opzion "<spanclass="cli">-d</span>" o "<spanclass="cli">--data</span>".</p>
<p><br/></p>
<p>Plui informazions su chescj comants e lis lôr opzions a puedin jessi cjatadis scrivint il non dal comant cun daûr "<spanclass="cli">-h</span>" o "<spanclass="cli">--help</span>".</p>
